दिमागलाई स्वस्थ बनाई राख्न निम्न कुराहरु खाने गर्नुहोस्

एउटा स्वस्थ मष्तिकले नै सम्पुर्ण जिबन मै प्रभाव पार्न सक्दछ, तसर्थ दिमागलाई स्वस्थ बनाउनको लागि खानपानको पनि महत्वपुर्ण भमिका हुने गर्दछ ।
अोखर:– ओखरलाई गर्मिको मौसममा भिजाएर र चिसोको मौसममा त्यसै खाने हो भने मष्तिकलाई फाईदा पुराउने गर्दछ । यसले दिमागलाई तेज गराउनु का साथै स्मरण शक्तिलाई पनि बढाउने गर्दछ । मस्तिष्कलाई शुख्खा हुनबाट बचाउनुका साथै यसले ब्रेन हेमरेज हुने खतरालाई रोक्ने कार्य गर्दछ ।

सुकेको नरिवल :- मस्तिष्कको आन्तरिक भागलाई पोषण दिनुका साथै ब्रेनलाई तेज बनाउदछ । सुस्त मस्तिष्कको लागि पनि यो निकै नै लाभदायक हुने गर्दछ । जाडोमा गुँडसँग र गर्मिमा मिस्रिसँग मिसाएर खान सकिन्छ । साथै दुध, लड्डडु, चटनी र पाक सँग मिलाएर खान पनि सकिन्छ । काँचो नरिवल पनि त्यत्तिकै लाभदायक हुन्छ । चाँडो रिस उठ्नेहरुलाई पनि निकै नै लाभदायक हुने गर्दछ ।
ब्राम्ह्री:– यसले नशा  र तन्तुलाई तागद दिने गर्दछ । यो एउटा जंगलमा पाईने जडिबुडि हो । यसले मस्तिष्कमा आउने तरंग र सुचनाहरुलाई उदिप्त गर्ने र यसको सेवनले निन्द्रा पनि लाग्ने गर्दछ ।

ज्योतिषमति:– यो एक प्रकारको जडिबुडी नै हो । यसको बिजले मस्तिष्कमा पोषण भर्ने कार्य गर्दछ । यसले सन्तुलित निन्द्रा पनि दिने गर्दछ, दिमागको सन्तुलनलाई ठिक राख्ने र स्मरण शक्ति पनि बढाउने काम गर्दछ । ५ देखि १० वटा सम्म यसको बिज पानि वा दुधमा मिसाएर दिनमा खान सकिन्छ ।